آخر ایک دن شاد کرو گے

آخر ایک دن شاد کرو گے

میرا گھر آباد کرو گے

پیار کی باتیں وصل کی راتیں

یاد کرو گے یاد کرو گے

کس دل سے آباد کیا تھا

کس دل سے برباد کرو گے

میں نے اپنی قیمت کہہ دی

تم بھی کچھ ارشاد کرو گے

زر کے بندو عقل کے اندھو

تم کیا مجھ کو شاد کرو گے

جب مجھ کو چپ لگ جائے گی

پھر تم بھی فریاد کرو گے

اور تمہیں آتا ہی کیا ہے

کوئی ستم ایجاد کرو گے

تنگ آ کر اے بندہ پرور

بندے کو آزاد کرو گے

میرے دل میں بسنے والو

تم مجھ کو برباد کرو گے

حسن کو رسوا کر کے مروں گا

آخر تم کیا یاد کرو گے

حشر کے دن امید ہے ناصح

تم میری امداد کرو گے

akhir ek din shad karoge

mera ghar abad karoge

pyar ki baten wasl ki raten

yad karoge yad karoge

kis dil se abad kya tha

kis dil se barbad karoge

main ne apni qimat kah di

tum bhi kuchh irshad karoge

zar ke bando aql ke andho

tum kya mujh ko shad karoge

jab mujh ko chup lag jaegi

phir tum bhi fariyad karoge

aur tumhen ata hi kya hai

koi sitam ijad karoge

tang a kar ai banda parwar

bande ko azad karoge

mere dil mein basne walo

tum mujh ko barbad karoge

husn ko ruswa kar ke marunga

akhir tum kya yad karoge

hashr ke din umid hai naseh

tum meri imdad karoge