شکایت غم لیل و نہار کیسے کروں

شکایت غم لیل و نہار کیسے کروں

میں خود کو اپنی نگاہوں میں خار کیسے کروں

یہ زندگی بڑی نعمت ہے مانتا ہوں مگر

یہ بے وفا نہیں یہ اعتبار کیسے کروں

تجھے ہے ناز جفا پر مجھے وفا کی طلب

میں اپنی ذات میں تیرا شمار کیسے کروں

کہیں بہار کے آثار تو نظر آئیں

گریباں اپنا ابھی تار تار کیسے کروں

قدم قدم پہ یہاں نفرتوں کے ڈیرے ہیں

فضائے صحن چمن خوش گوار کیسے کروں

ابھی تو دل کو نئے رنج و غم کی خواہش ہے

اے زندگی میں تجھے لالہ زار کیسے کروں

وہ ہے وفائی کا احساس کر کے نادمؔ ہے

مسرتوں سے اسے ہم کنار کیسے کروں

shikayat-e-gham lail-o-nahar kaise karun

main khud ko apni nigahon mein khar kaise karun

ye zindagi bari nemat hai manta hun magar

ye be wafa nahin ye etibar kaise karun

tujhe hai naz jafa par mujhe wafa ki talab

main apni zat mein tera shumar kaise karun

kahin bahar ke asar to nazar aen

gareban apna abhi tar tar kaise karun

qadam qadam pe yahan nafraton ke dere hain

faza-e-sehn-e-chaman khush gawar kaise karun

abhi to dil ko nae ranj-o-gham ki khwahish hai

ai zindagi mein tujhe lala zar kaise karun

wo hai wafai ka ehsas kar ke nadim hai

masarraton se use ham kanar kaise karun