گل میں شفق میں چاند میں تاروں میں کھو گئے

گل میں شفق میں چاند میں تاروں میں کھو گئے

وہ ایک آپ ہیں جو ہزاروں میں کھو گئے

اہل وفا کے نام تو زندہ ہیں آج بھی

گو ان کے جسم کب کے مزاروں میں کھو گئے

اہل وفا کے نام تو زندہ ہیں آج بھی

گو ان کے جسم کب کے مزاروں میں کھو گئے

جب دل ملا تو ہم تری یادیں سمیٹ لائے

نظریں ملیں تو تیرے نظاروں میں کھو گئے

خاموش یوں ہوئے ہیں مرے دل میں ولولے

جیسے بگولے راہ گزاروں میں کھو گئے

نادمؔ صدائے دیر و حرم پھر نہ سن سکے

ہم جب سے اپنے دل کی پکاروں میں کھو گئے

gul mein shafaq mein chand mein taron mein kho gae

wo ek ap hain jo hazaron mein kho gae

ahl-e-wafa ke nam to zinda hain aj bhi

go un ke jism kab ke mazaron mein kho gae

ahl-e-wafa ke nam to zinda hain aj bhi

go un ke jism kab ke mazaron mein kho gae

jab dil mila to ham tiri yaden samet lae

nazren milen to tere nazaron mein kho gae

khamosh yun hue hain mire dil mein walwale

jaise bagule rah guzaron mein kho gae

nadim sada-e-dair-o-haram phir na sun sake

ham jab se apne dil ki pukaron mein kho gae