دل کو پہلے لہو لہو کرنا

دل کو پہلے لہو لہو کرنا

پھر کسی کی تم آرزو کرنا

ہے خزاں آشنا حیات اپنی

کیا تمنائے رنگ و بو کرنا

منزلیں اپنے زیر پا ہوں گی

ہے مگر شرط جستجو کرنا

پہلے دل کو بنا لے آئینہ

بات پھر مجھ سے روبرو کرنا

ان کی آنکھوں کو خوب آتا ہے

بے نیاز خم و سبو کرنا

تاکہ حاصل ہو لذت آزار

کوئی سازش مرے عدو کرنا

یہ کمال سخن ہے اے نادمؔ

بے زبانوں سے گفتگو کرنا

dil ko pahle lahu lahu karna

phir kisi ki tum arzu karna

hai khizan ashna hayat apni

kya tamanna-e-rang-o-bu karna

manzilen apne zer-e-pa hongi

hai magar shart-e-justuju karna

pahle dil ko bana le aina

bat phir mujh se rubaru karna

un ki ankhon ko khub ata hai

be niyaz-e-kham-o-subu karna

take hasil ho lazzat-e-azar

koi sazish mire adu karna

ye kamal-e-sukhan hai ai nadim

be zabanon se guftugu karna