آنکھ والے سب تھے لیکن دیدہ ور کوئی نہ تھا

آنکھ والے سب تھے لیکن دیدہ ور کوئی نہ تھا

کارواں بھٹکا ہوا تھا راہ بر کوئی نہ تھا

میں تو سمجھا تھا کہ دنیا چل رہی ہے ساتھ ساتھ

مڑ کے جب دیکھا تو میرا ہم سفر کوئی نہ تھا

کس سے کہتے ہم تری محفل میں اپنا راز دل

یوں تو کہنے کو سب اپنے تھے مگر کوئی نہ تھا

تم سے پہلے تیرگی میں گم تھی ساری کائنات

تم نہ تھے تو واقف نور سحر کوئی نہ تھا

شمع تھی پروانہ تھا میں تھا تمہاری یاد تھی

کیسے کہہ دوں ہجر کی شب میرے گھر کوئی نہ تھا

کوئی لیتا کیسے نادمؔ میرے زخموں کی خبر

تھے سبھی ہمدرد لیکن معتبر کوئی نہ تھا

ankh wale sab the lekin dida war koi na tha

karwan bhatka hua tha rah bar koi na tha

main to samjha tha ke duniya chal rahi hai sath sath

mur ke jab dekha to mera ham safar koi na tha

kis se kahte ham tiri mahfil mein apna raz-e-dil

yun to kahne ko sab apne the magar koi na tha

tum se pahle tirgi mein gum thi sari kainat

tum na the to waqif-e-nur-e-sahar koi na tha

shama thi parwana tha main tha tumhari yad thi

kaise kah dun hijr ki shab mere ghar koi na tha

koi leta kaise nadim mere zakhmon ki khabar

the sabhi hamdard lekin motabar koi na tha