ہاں ان سے مری طرز ملاقات الگ ہے

ہاں ان سے مری طرز ملاقات الگ ہے

یہ درد یہ سوزش یہ خلش اور یہ آنسو

جو آپ نے بخشی ہے وہ سوغات الگ ہے

تم سوزش حالات سے کس طرح بچو گے

میں خیر سے جی لوں گا مری بات الگ ہے

ہے جرم یہاں آرزوئے صبح درخشاں

ہر رات سے اے دوست مری رات الگ ہے

کچھ دیر برس کر نہیں تھمتے مرے آنسو

موسم یہ نرالا ہے یہ برسات الگ ہے

وہ دھوپ میں شبنم وہ شرر اور میں پانی

ہے اس کی جدا ہستی مری ذات الگ ہے

han un se miri tarz-e-mulaqat alag hai

ye dard ye sozish ye khalish aur ye ansu

jo ap ne bakhshi hai wo saughat alag hai

tum sozish-e-halat se kis tarah bachchoge

main khair se ji lunga miri bat alag hai

hai jurm yahan arzu-e-subh-e-darakhshan

har rat se ai dost miri rat alag hai

kuchh der baras kar nahin thamte mire ansu

mausam ye nirala hai ye barsat alag hai

wo dhup mein shabnam wo sharar aur main pani

hai us ki juda hasti miri zat alag hai