زہے نصیب کہ ان کی کوئی خبر آئی

زہے نصیب کہ ان کی کوئی خبر آئی

اندھیرا دور ہوا روشنی نظر آئی

وہ ایک تم جو کبھی وقت پر نہیں آئے

تمہاری یاد ہر اک شام وقت پر آئی

خیال دنیا و عقبیٰ غم وجود و عدم

کئی عذاب لئے عمر مختصر آئی

سنی گئی ہے وہاں پر ہر ایک کی فریاد

بس ایک اپنی صدا تھی جو لوٹ کر آئی

کوئی نہ ایسا تھا جو اپنے ساتھ ہو لیتا

بس ایک دوست تھی تنہائی اپنے گھر آئی

جہاں خود اپنے ہی سائے نے ساتھ چھوڑ دیا

رہ حیات میں ایسی بھی رہ گزر آئی

گناہ کر کے بھی وہ پارسا رہا نادمؔ

تمام تہمت و رسوائی میرے سر آئی

zahe nasib ke un ki koi khabar ai

andhera dur hua raushni nazar ai

wo ek tum jo kabhi waqt par nahin ae

tumhari yad har ik sham waqt par ai

khayal duniya-o-uqba gham wajud-o-adam

kai azab liye umr mukhtasar ai

suni gai hai wahan par har ek ki fariyad

bas ek apni sada thi jo laut kar ai

koi na aisa tha jo apne sath ho leta

bas ek dost thi tanhai apne ghar ai

jahan khud apne hi sae ne sath chhor diya

rah-e-hayat mein aisi bhi rah guzar ai

gunah kar ke bhi wo parsa raha nadim

tamam tohmat-o-ruswai mere sar ai