کوئی اچھی خبر آتی نہیں ہے

کوئی اچھی خبر آتی نہیں ہے

شب غم کی سحر آتی نہیں ہے

وہ مست راحت خواب سحر ہیں

جنہیں یاد سفر آتی نہیں ہے

کہیں پر تو یقیناً ہے خرابی

بظاہر جو نظر آتی نہیں ہے

میں سب کی خیر مانگوں اس یقیں سے

دعا تو لوٹ کر آتی نہیں ہے

یشبؔ کو دل سے ہجرت راس ہے اب

کسی صورت وہ گھر آتی نہیں ہے

koi achchhi khabar ati nahin hai

shab-e-gham ki sahar ati nahin hai

wo mast-e-rahat khwab-e-sahar hain

jinhen yad-e-safar ati nahin hai

kahin par to yaqinan hai kharabi

bazahir jo nazar ati nahin hai

main sab ki khair mangun is yaqin se

dua to laut kar ati nahin hai

yashb ko dil se hijrat ras hai ab

kisi surat wo ghar ati nahin hai