بے مہر تعلق تھا جدا ہونا تھا اک دن

بے مہر تعلق تھا جدا ہونا تھا اک دن

جو کچھ بھی مرے ساتھ ہوا ہونا تھا اک دن

کچھ ہم ہی فریبوں میں گرفتار رہے تھے

اس نے تو بہرحال جدا ہونا تھا اک دن

اب اتنا بھی سنگین مرا جرم نہیں تھا

اس قید سے آخر تو رہا ہونا تھا اک دن

یوں ہی تو کبھی حرف شکایت نہیں نکلا

اس درد نے آخر تو دوا ہونا تھا اک دن

تم شاعری کرتے ہو یشبؔ اس لیے تم کو

اب درد کا تحفہ تو عطا ہونا تھا اک دن

be mehr taalluq tha juda hona tha ik din

jo kuchh bhi mire sath hua hona tha ik din

kuchh ham hi farebon mein giraftar rahe the

us ne to bahrhal juda hona tha ik din

ab itna bhi sangin mira jurm nahin tha

is qaid se akhir to raha hona tha ik din

yun hi to kabhi harf-e-shikayat nahin nikla

is dard ne akhir to dawa hona tha ik din

tum shayari karte ho yashb is liye tum ko

ab dard ka tohfa to ata hona tha ik din