پڑھ چکے ہیں نصاب تنہائی

پڑھ چکے ہیں نصاب تنہائی

اب لکھیں گے کتاب تنہائی

وصل کی شب تمام ہوتے ہی

آ گیا آفتاب تنہائی

خامشی وحشتیں اداسی ہے

کھل رہے ہیں گلاب تنہائی

اس کی یادوں کے گھر میں جاتے ہی

کھل گیا ہم پہ باب تنہائی

وصل کی شب تمہارے پہلو میں

لے رہا ہوں ثواب تنہائی

کس کو بتلائیں کون سمجھے گا

کیسے جھیلے عذاب تنہائی

دوستوں سے گریز کرتا ہوں

ہو رہا ہوں خراب تنہائی

parh chuke hain nisab-e-tanhai

ab likhenge kitab-e-tanhai

wasl ki shab tamam hote hi

a gaya aftab tanhai

khamushi wahshaten udasi hai

khul rahe hain gulab tanhai

us ki yadon ke ghar mein jate hi

khul gaya ham pe bab-e-tanhai

wasl ki shab tumhare pahlu mein

le raha hun sawab-e-tanhai

kis ko batlaen kaun samjhega

kaise jhele azab-e-tanhai

doston se gurez karta hun

ho raha hun kharab tanhai