وہ جو ایک چہرہ دمک رہا ہے جمال سے

وہ جو ایک چہرہ دمک رہا ہے جمال سے

اسے مل رہی ہے خوشی کسی کے خیال سے

میں نے صرف ایک ہی دائرے میں سفر کیا

کبھی بے نیاز بھی کر مجھے مہ و سال سے

کبھی ہنس کے خود ہی گلے سے اس کو لگا لیا

کبھی رو دیے ہیں لپٹ کے خود ہی ملال سے

تجھے کیا خبر کہ وہ کون ہے سر رہ گزر

کبھی سرسری نہ گزر کسی کے سوال سے

وہ جو مسکرا کے گزر رہا ہے قریب سے

اسے آشنائی ضرور ہے میرے حال سے

مجھے آسرا بھی نہیں کسی کی دعاؤں کا

مجھے خوف آتا ہے یوں بھی وقت زوال سے

یشبؔ اپنے آپ سے مل کے کتنا بھلا لگا

مجھے فرصتیں ہی نہیں ملیں کئی سال سے

wo jo ek chehra damak raha hai jamal se

use mil rahi hai khushi kisi ke khayal se

main ne sirf ek hi daire mein safar kiya

kabhi be niyaz bhi kar mujhe mah-o-sal se

kabhi hans ke khud hi gale se us ko laga liya

kabhi ro diye hain lipat ke khud hi malal se

tujhe kya khabar ke wo kaun hai sar-e-rah guzar

kabhi sarsari na guzar kisi ke sawal se

wo jo muskura ke guzar raha hai qarib se

use ashnai zarur hai mere hal se

mujhe asra bhi nahin kisi ki duaon ka

mujhe khauf ata hai yun bhi waqt-e-zawal se

yashb apne ap se mil ke kitna bhala laga

mujhe fursaten hi nahin milen kai sal se