تعلق اس سے اگرچہ مرا خراب رہا

تعلق اس سے اگرچہ مرا خراب رہا

قسم سفر کی وہی ایک ہم رکاب رہا

سمجھ سکا نہ اسے میں قصور میرا ہے

کہ میرے سامنے تو وہ کھلی کتاب رہا

میں ایک لفظ بھی لیکن نہ پڑھ سکا اس کو

اگرچہ وہ بھی مرا شامل نصاب رہا

میں معرفت کے ہوں اب اس مقام پر کہ جہاں

کیا گناہ بھی تو خدشۂ ثواب رہا

حقیقتوں سے مفر چاہی تھی یشبؔ میں نے

پر اصل اصل رہا اور خواب خواب رہا

taalluq us se agarche mira kharab raha

qasam safar ki wahi ek ham rikab raha

samajh saka na use main qusur mera hai

ke mere samne to wo khuli kitab raha

main ek lafz bhi lekin na parh saka us ko

agarche wo bhi mira shamil-e-nisab raha

main maarifat ke hun ab us maqam par ke jahan

kiya gunah bhi to khadsha-e-sawab raha

haqiqaton se mafar chahi thi yashb main ne

par asl asl raha aur khwab khwab raha