کمال شوق سفر بھی ادھر ہی جاتا ہے

کمال شوق سفر بھی ادھر ہی جاتا ہے

کسی سفر کا مسافر ہو گھر ہی جاتا ہے

وہ آدمی ہی تو ہوتا ہے غم کی شدت سے

ہزار کوششیں کر لے بکھر ہی جاتا ہے

وہ ہجر ہو کہ ترے وصل کا کوئی لمحہ

وہ مستقل نہیں ہوتا گزر ہی جاتا ہے

جو اس سے پہلے بھی شیشے میں بال آیا ہو

تو دل کسی نئی الفت سے ڈر ہی جاتا ہے

چڑھا ہوا کوئی دریا ہو یا کہ نشہ ہو

یشبؔ کبھی نہ کبھی تو اتر ہی جاتا ہے

kamal-e-shauq safar bhi idhar hi jata hai

kisi safar ka musafir ho ghar hi jata hai

wo admi hi to hota hai gham ki shiddat se

hazar koshishen kar le bikhar hi jata hai

wo hijr ho ke tire wasl ka koi lamha

wo mustaqil nahin hota guzar hi jata hai

jo is se pahle bhi shishe mein bal aya ho

to dil kisi nai ulfat se dar hi jata hai

charha hua koi dariya ho ya ke nasha ho

yashb kabhi na kabhi to utar hi jata hai