لبوں سے آشنائی دے رہا ہے

لبوں سے آشنائی دے رہا ہے

وہ لذت انتہائی دے رہا ہے

محبت بھی ہوئی کار مشقت

بدن تھک کر دہائی دے رہا ہے

چراتا ہے بدن مجھ سے نگاہیں

مجھے دل بھی صفائی دے رہا ہے

کوئی بھر دے گا اپنی قربتوں سے

کوئی زخم جدائی دے رہا ہے

کوئی تو ہے جو اتنی سردیوں میں

بدن جیسی رضائی دے رہا ہے

کوئی مجھ کو یشبؔ اپنی رضا سے

خزانوں تک رسائی دے رہا ہے

labon se ashnai de raha hai

wo lazzat intihai de raha hai

mohabbat bhi hui kar-e-mashaqqat

badan thak kar duhai de raha hai

churata hai badan mujh se nigahen

mujhe dil bhi safai de raha hai

koi bhar dega apni qurbaton se

koi zakhm-e-judai de raha hai

koi to hai jo itni sardiyon mein

badan jaisi rizai de raha hai

koi mujh ko yashb apni raza se

khazanon tak rasai de raha hai