Arooz is now on the App Store, for iPhone and iPad. Download →

All poetry

چاہ تھی مہر تھی محبت تھی

Yashab Tamanna (b. 1957)

چاہ تھی مہر تھی محبت تھی

اس کی ہر بات ہی قیامت تھی

وصل تھا قرب تھا قرابت تھی

دل کو پھر بھی عجیب وحشت تھی

اب تو ہم سوچ کر بھی ہنستے ہیں

اول عشق کیسی حالت تھی

میں بہت خوش رہا ہوں اس کے بغیر

اس کو اس بات پر بھی حیرت تھی

بس اسے چومتے ہی چھوڑ دیا

پتھروں سے مجھے تو وحشت تھی

میں تو کچھ ان دنوں پریشاں تھا

اس کو کب بھولنے کی عادت تھی

میں ہی اس وقت تجھ سے بچھڑا تھا

جب تری چاہتوں میں شدت تھی