ملتے ہی دل نے ہم کو گرفتار کر دیا

ملتے ہی دل نے ہم کو گرفتار کر دیا

رسوائے شہر و کوچہ و بازار کر دیا

پیارے قسم لے لے ہو دوبارہ اگر نظر

ہاں یک نگاہ تم نے گنہ گار کر دیا

گو ہم ذلیل و خوار ہوئے خلق میں میاں

عالم کو آپ کا تو طلب گار کر دیا

کرنے لگی ہو اب جو مرے ساتھ یہ سلوک

شاید کسی نے تم کو خبردار کر دیا

جو کچھ سلوک ہم سے کرو تم بجا ہے یار

چوکے ہمیں جو تم کو نمودار کر دیا

جاتے ہی مدرسے میں کل اوس بت نے اے نعیمؔ

تسبیح شیخ رشتۂ زنار کر دیا

milte hi dil ne ham ko giraftar kar diya

ruswa-e-shahr-o-kucha-o-bazar kar diya

pyare qasam le le ho dobara agar nazar

han yak nigah tum ne gunah gar kar diya

go ham zalil-o-khwar hue khalq mein miyan

alam ko ap ka to talab gar kar diya

karne lagi ho ab jo mire sath ye suluk

shayad kisi ne tum ko khabardar kar diya

jo kuchh suluk ham se karo tum baja hai yar

chuke hamen jo tum ko numudar kar diya

jate hi madrase mein kal os but ne ai naim

tasbih-e-shaikh rishta-e-zunnar kar diya