رات کیا اضطرار تھا کیا تھا

رات کیا اضطرار تھا کیا تھا

دل ترا بیقرار تھا کیا تھا

آج منکر ہے تو جو وعدہ سے

کل جو ہم سے قرار تھا کیا تھا

صبح کو تو جو ہم پہ برہم تھا

کیا تجھے کچھ خمار تھا کیا تھا

کل جو تو بیقرار تھا اے دل

وعدۂ وصل یار تھا کیا تھا

کیا ہوا اس نے کچھ کہا تھا نعیمؔ

یار تھا پھر ہزار تھا کیا تھا

rat kya iztirar tha kya tha

dil tira beqarar tha kya tha

aj munkir hai to jo waada se

kal jo ham se qarar tha kya tha

subh ko to jo ham pe barham tha

kya tujhe kuchh khumar tha kya tha

kal jo tu beqarar tha ai dil

waada-e-wasl-e-yar tha kya tha

kya hua us ne kuchh kaha tha naim

yar tha phir hazar tha kya tha