نعیم آج میں اس شکل کو جواں دیکھا

نعیم آج میں اس شکل کو جواں دیکھا

خدا کو صورت انسان میں عیاں دیکھا

تو ہی ہے کعبہ میں اور تو ہی بت کدے میں ہے

غرض کہ تجھ کو بھی ہم نے کہاں کہاں دیکھا

کرو گے جور کسی اور پر تو جانو گے

ابھی تو ظلم کا تم نے مزا کہاں دیکھا

ہم اپنی دل کی تلاوت کو یاد کر روئے

کسی کے حال پہ گر تجھ کو مہرباں دیکھا

گرے ہم آن کے تب تیرے آستانے پر

جہاں میں کوئی نہ جب تجھ سا قدرداں دیکھا

اگرچہ یار تو تیرے ہزار ہوویں گے

کوئی بھی ہم سا بھلا یار جاں فشاں دیکھا

یقیں نعیمؔ کے احوال کا نہ تھا تجھ کو

گیا نہ جی ہی سے آخر اے بد گماں دیکھا

naim aj main is shakl ko jawan dekha

khuda ko surat insan mein ayan dekha

tu hi hai kaaba mein aur tu hi but kade mein hai

gharaz ke tujh ko bhi ham ne kahan kahan dekha

karoge jaur kisi aur par to janoge

abhi to zulm ka tum ne maza kahan dekha

ham apni dil ki tilawat ko yad kar roe

kisi ke hal pe gar tujh ko mehrban dekha

gire ham an ke tab tere astane par

jahan mein koi na jab tujh sa qadardan dekha

agarche yar to tere hazar howen ge

koi bhi ham sa bhala yar jan fishan dekha

yaqin naim ke ahwal ka na tha tujh ko

gaya na ji hi se akhir ai bad guman dekha