ہر ایک آنکھ کو ذوق جمال دے یا رب

ہر ایک آنکھ کو ذوق جمال دے یا رب

دلوں کو عشق و وفا کا جلال دے یا رب

ہے میرے ذہن رسا میں جو اک تصور حق

مرا قلم اسی سانچے میں ڈھال دے یا رب

زباں سے بات جو نکلے ہمیشہ حق نکلے

لسان صدق کو حسن مقال دے یا رب

اس عہد زور میں اس کا سنبھلنا مشکل ہے

تو ہی شریفوں کی پگڑی سنبھال دے یا رب

کھٹک رہا ہے دلوں میں مرے حریفوں کے

بہت دنوں سے جو کانٹا نکال دے یا رب

نفس میں گرمیٔ ایمان بوزر و سلماں

دلوں میں سوز اویس و بلال دے یا رب

جو خواہشوں میں گھرا ہو وہ تجھ سے کیا مانگے

تجھے جو دینا ہے وہ بے سوال دے یا رب

har ek ankh ko zauq-e-jamal de ya rab

dilon ko ishq-o-wafa ka jalal de ya rab

hai mere zehn-e-rasa mein jo ik tasawwur haq

mira qalam isi sanche mein dhal de ya rab

zaban se bat jo nikle hamesha haq nikle

lassan-e-sidq ko husn-e-maqal de ya rab

is ahd-e-zor mein us ka sambhalna mushkil hai

tu hi sharifon ki pagri sambhal de ya rab

khatak raha hai dilon mein mire harifon ke

bahut dinon se jo kanta nikal de ya rab

nafas mein garmi-e-iman-e-buzar-o-sullaman

dilon mein soz-e-awes-o-bilal de ya rab

jo khwahishon mein ghira ho wo tujh se kya mange

tujhe jo dena hai wo be sawal de ya rab