یاد آئی وہ زلف پریشاں

یاد آئی وہ زلف پریشاں

کٹ جائے گی اب شب ہجراں

میرے بعد اے جلوۂ جاناں

کون کرے گا دعوت مژگاں

تیرا گلہ کیا گیسوئے جاناں

میں بھی پریشاں تو بھی پریشاں

کس نے دیکھا زخم گلوں کا

کرتے رہے سب سیر گلستاں

دیکھ قفس میں آگ لگی ہے

ابر بہاراں ابر بہاراں

اپنی جفا پر اپنی وفا پر

وہ بھی پشیماں ہم بھی پشیماں

ایک جگر کے داغ سے روشن

تیرا شبستاں میرا شبستاں

مر کر جینا تو نے سکھایا

اے غم جاناں اے غم جاناں

yad ai wo zulf-e-pareshan

kat jaegi ab shab hijran

mere baad ai jalwa-e-janan

kaun karega daawat mizhgan

tera gila kya gesu-e-janan

main bhi pareshan tu bhi pareshan

kis ne dekha zakhm gulon ka

karte rahe sab sair-e-gulistan

dekh qafas mein ag lagi hai

abr-e-baharan abr-e-baharan

apni jafa par apni wafa par

wo bhi pasheman ham bhi pasheman

ek jigar ke dagh se raushan

tera shabistan mera shabistan

mar kar jina tu ne sikhaya

ai gham janan ai gham janan