بارہا بس مجھے یوں لگتا ہے

بارہا بس مجھے یوں لگتا ہے

ہے کوئی جو مجھے ہی تکتا ہے

خواب راتوں میں خواب میں آ کر

خواب کی ہی طرح بکھرتا ہے

روشنائی نگل گیا تھا جو

سایہ وہ آنکھوں میں کھٹکتا ہے

دن کے سناٹے میں قریب آ کر

رمز پیشانی پر ٹہلتا ہے

اے زمیں پیاسی ہی رہے گی تو

آسماں سے دھواں برستا ہے

کوئی بو خاک کر گئی شاید

دیکھ پھولوں کو جی مچلتا ہے

غم طلب کب تلک رہے کوئی

اب لہو آنکھوں سے ٹپکتا ہے

barha bas mujhe yun lagta hai

hai koi jo mujhe hi takta hai

khwab raton mein khwab mein a kar

khwab ki hi tarah bikharta hai

raushnai nigal gaya tha jo

saya wo ankhon mein khatakta hai

din ke sannate mein qarib a kar

ramz peshani par tahalta hai

ai zamin pyasi hi rahegi to

asman se dhuan barasta hai

koi bu khak kar gai shayad

dekh phulon ko ji machalta hai

gham talab kab talak rahe koi

ab lahu ankhon se tapakta hai