داستاں یوں بدل گئی ہوگی

داستاں یوں بدل گئی ہوگی

موج ساحل نگل گئی ہوگی

تم کو شاید یقیں نہ آئے پر

آگ پانی سے جل گئی ہوگی

چند پل رہتی ہے انا اس کی

برف بن کر پگھل گئی ہوگی

ہائے انجام کس گماں کا ہے یہ

شاخ کچھ پھول پھل گئی ہوگی

رات بھر آسمان رویا تھا

صبح سیلن سے گل گئی ہوگی

دیکھ حالت مری جبینیں کئی

گرتے گرتے سنبھل گئی ہوگی

موڑ سے دوری پر کھڑا ہوں میں

گاڑی رستہ بدل گئی ہوگی

گھاؤ دیتی ہے اب وہ موم زباں

غیر سانچے میں ڈھل گئی ہوگی

پہلے جو تھا وہی ہوں میں اب بھی

فطرت اس کی بدل گئی ہوگی

dastan yun badal gai hogi

mauj-e-sahil nigal gai hogi

tum ko shayad yaqin na ae par

ag pani se jal gai hogi

chand pal rahti hai ana us ki

barf ban kar pighal gai hogi

hae anjam kis guman ka hai ye

shakh kuchh phul phal gai hogi

rat bhar asman roya tha

subh silan se gul gai hogi

dekh halat miri jabinen kai

girte girte sambhal gai hogi

mor se duri par khara hun main

gari rasta badal gai hogi

ghao deti hai ab wo mom zaban

ghair sanche mein dhal gai hogi

pahle jo tha wahi hun main ab bhi

fitrat us ki badal gai hogi