غم ترا آنکھ کے پانی سے نکل آیا تھا

غم ترا آنکھ کے پانی سے نکل آیا تھا

درد پھر اپنی فشانی سے نکل آیا تھا

اس نے ہنستے ہوئے پوچھا تھا ستم گر کا پتا

اور ترا نام روانی سے نکل آیا تھا

اپنی آنکھوں میں جہاں بھر کی اداسی لے کر

ایک کردار کہانی سے نکل آیا تھا

عشق تو چارہ گری مانگتا ہے اس لیے زخم

روح کی ریشہ داوانی سے نکل آیا تھا

میں نے جب اس سے کہا میں بھی تو ہوں دیکھ مجھے

وہ مری یاد دہانی سے نکل آیا تھا

gham tira ankh ke pani se nikal aya tha

dard phir apni fishani se nikal aya tha

us ne hanste hue puchha tha sitam gar ka pata

aur tira nam rawani se nikal aya tha

apni ankhon mein jahan bhar ki udasi le kar

ek kirdar kahani se nikal aya tha

ishq to chara giri mangta hai is liye zakhm

ruh ki resha daoani se nikal aya tha

main ne jab us se kaha main bhi to hun dekh mujhe

wo miri yad dahani se nikal aya tha