تم جو دامن ذرا بھگو لیتے

تم جو دامن ذرا بھگو لیتے

ہم بھی کچھ دیر کھل کے رو لیتے

اک تری یاد جو ہماری تھی

اک ترا درد جو بچھو لیتے

عالم مستی و طرب میں رہے

خاک کی تیرگی میں سو لیتے

حرف خوشبو کے رنگ میں لکھتی

پھول گجروں میں جو پرو لیتے

نارسائی تو خیر قسمت تھی

اور کیا بچ گیا جو کھو لیتے

کونج کر لا رہی تھی صحرا میں

آب و دانہ وہاں بھی بو لیتے

مٹ رہی ہوں رہ ہزیمت میں

اپنے ہاتھوں سے ہی ڈبو لیتے

رات کی شال اوڑھ کر یوں ہم

ریگ راہ رواں ہی ہو لیتے

سانس اپنی مہک مہک جاتی

ہاتھ سے پھول تیرے جو لیتے

tum jo daman zara bhigo lete

ham bhi kuchh der khul ke ro lete

ik tiri yad jo hamari thi

ik tira dard jo bichho lete

alam masti-o-tarab mein rahe

khak ki tirgi mein so lete

harf khushbu ke rang mein likhti

phul gajron mein jo piro lete

narasai to khair qismat thi

aur kiya bach gaya jo kho lete

kunj kar la rahi thi sahra mein

ab-o-dana wahan bhi bu lete

mit rahi hun rah-e-hazemat mein

apne hathon se hi dubo lete

rat ki shal orh kar yun ham

reg rah-e-rawan hi ho lete

sans apni mahak mahak jati

hath se phul tere jo lete