ہوا کو تھام لیں خوشبو کا اہتمام کریں

ہوا کو تھام لیں خوشبو کا اہتمام کریں

سنور لیا ہو تو ہم چاند سے کلام کریں

ہم اپنے سوگ بھلا کے انہیں سلامی دیں

چلو کہ ہجر کے ماروں کا احترام کریں

گلاب رت میں کسی چھت پہ رنگ لے کے چلیں

جنوں میں بھیگنے والوں کا انتظام کریں

پرانے بیلیوں سے ملتے آئیں گاؤں میں

گلی میں بیٹھے فقیروں کو بھی سلام کریں

وہ شخص دوست تھا اب وہ عدو ہوا تو کیا

وہ آ رہا ہے جو ملنے تو اہتمام کریں

تمہیں یہ چاہ کہ اب لانگ ڈرائیو پہ نکلیں

ہمیں یہ فکر کہ دفتر کا تھوڑا کام کریں

ہم اپنی راہ سے بھٹکے ہوئے مسافر ہیں

کنہیں پڑی کہ کوئی شام اپنے نام کریں

بہت برس ہوئے ہیں پرورش کئے دکھ کی

چلو کہ درد کی شدت کا اہتمام کریں

hawa ko tham len khushbu ka ehtimam karen

sanwar liya ho to ham chand se kalam karen

ham apne sog bhula ke unhen salami den

chalo ke hijr ke maron ka ehtiram karen

gulab rut mein kisi chhat pe rang le ke chalen

junun mein bhigne walon ka intizam karen

purane beliyon se milte aen gaon mein

gali mein baithe faqiron ko bhi salam karen

wo shakhs dost tha ab wo adu hua to kiya

wo a raha hai jo milne to ehtimam karen

tumhen ye chah ke ab lang daraiw pe niklen

hamen ye fikr ke daftar ka thora kam karen

ham apni rah se bhatke hue musafir hain

kinhain pari ke koi sham apne nam karen

bahut baras hue hain parwarish kiye dukh ki

chalo ke dard ki shiddat ka ehtimam karen