سیاہ شال پہ جو اشک کاڑھتا ہوگا

سیاہ شال پہ جو اشک کاڑھتا ہوگا

کسے خبر تھی اسے مجھ سے مسئلہ ہوگا

جو میرے ہوتے بچھڑنے کی بات کرتا تھا

مری جدائی میں اک بار رو دیا ہوگا

زمیں پہ پھیلے یہ کاغذ گواہی دیتے ہیں

وہ کچھ نہ کچھ تو مرے نام لکھ رہا ہوگا

فضا اداس ہے مہتاب ہے ملول کہ اب

وہ زرد چہرے کو ہاتھوں میں بھر رہا ہوگا

میں اس لیے بھی بہت مطمئن تھی دوری سے

وہ دور ہوگا مگر مجھ کو دیکھتا ہوگا

مجھے بھی دوسرے کاندھے نے کچھ سہارا دیا

کہیں سے موقع اسے بھی تو مل گیا ہوگا

siyah shal pe jo ashk karhta hoga

kise khabar thi use mujh se masala hoga

jo mere hote bichharne ki bat karta tha

miri judai mein ik bar ro diya hoga

zamin pe phaile ye kaghaz gawahi dete hain

wo kuchh na kuchh to mire nam likh raha hoga

faza udas hai mahtab hai malul ke ab

wo zard chehre ko hathon mein bhar raha hoga

main is liye bhi bahut mutmain thi duri se

wo dur hoga magar mujh ko dekhta hoga

mujhe bhi dusre kandhe ne kuchh sahara diya

kahin se mauqaa use bhi to mil gaya hoga