Arooz is now on the App Store, for iPhone and iPad. Download →

All poetry

خوشی تقسیم کرتی ہوں دل آزاری نہیں آتی

Rabia Basri (b. 1980)

خوشی تقسیم کرتی ہوں دل آزاری نہیں آتی

مرا مقصد ہے غم خواری اداکاری نہیں آتی

یہاں وہ آگے آتا ہے کہ جو فن کار ہوتا ہے

مجھے درویشی کے چولے میں عیاری نہیں آتی

ابھی سب کچھ میسر ہے کمی کوئی نہیں باقی

نہ جانے پھر بھی پہلے جیسی سرشاری نہیں آتی

مرے کچھ فیصلے میرے نہیں سو درگزر کرنا

ابھی سسرال میں رہتی ہوں انکاری نہیں آتی

میں جب ماتم کو جاتی ہوں کنارے بیٹھ جاتی ہوں

یوں ہی آنسو بہاتی ہوں عزا داری نہیں آتی

چلو جو بھی ہوا ہم مان کے راہیں بدلتے ہیں

مجھے اب فیصلوں میں کوئی دشواری نہیں آتی

میں اپنے کمرے سے ساری کتابیں لے تو آئی ہوں

وہ جس میں لمس تھا تیرا وہ الماری نہیں آتی