محبت رائیگانی ہے سنبھل جا

محبت رائیگانی ہے سنبھل جا

اذیت کی کہانی ہے سنبھل جا

تجھے میراث میں ہجرت ملی ہے

تبھی تو لا مکانی ہے سنبھل جا

محبت جان کو آئی ہوئی ہے

بلائے ناگہانی ہے سنبھل جا

یہ برقی رابطے سے کٹ نہ جائے

یہ رشتہ آسمانی ہے سنبھل جا

اسے دریا سمجھ کر پار مت کر

مری آنکھوں کا پانی ہے سنبھل جا

یہ آنکھیں سرخ یہ پیروں کے چھالے

کسی کی مہربانی ہے سنبھل جا

وہ میرے گاؤں کے رستے میں ہوگا

ابھی بھی خوش گمانی ہے سنبھل جا

mohabbat raigani hai sambhal ja

aziyyat ki kahani hai sambhal ja

tujhe miras mein hijrat mili hai

tabhi to la makani hai sambhal ja

mohabbat jan ko ai hui hai

bala-e-nagahani hai sambhal ja

ye barqi rabte se kat na jae

ye rishta asmani hai sambhal ja

use dariya samajh kar par mat kar

miri ankhon ka pani hai sambhal ja

ye ankhen surkh ye pairon ke chhale

kisi ki mehrbani hai sambhal ja

wo mere gaon ke raste mein hoga

abhi bhi khush gumani hai sambhal ja