کاسنی رنگ کے خوابوں سے نکل آئی ہوں

کاسنی رنگ کے خوابوں سے نکل آئی ہوں

میٹھے پانی کے سرابوں سے نکل آئی ہوں

تو نے جاتے ہوئے اک بار بھی دیکھا نہ اسے

وہ جو کہتی تھی عذابوں سے نکل آئی ہوں

برگزیدہ تھی تہجد بھی نہ چھوڑا کرتی

اور اب سارے حسابوں سے نکل آئی ہوں

آس تھی دید کی جو کاسہ لئے پھرتی تھی

میں جوانی کے عذابوں سے نکل آئی ہوں

میرے اطراف میں سب لوگ بہت اچھے ہیں

دیکھ میں سارے خرابوں سے نکل آئی ہوں

شب بہ شب جاگ کے پڑھتی ہوں رسالے دل کے

اب میں بچپن کی کتابوں سے نکل آئی ہوں

ہاتھ میں چوڑی نہیں پاؤں میں پازیب نہیں

عشق زادی تھی گلابوں سے نکل آئی ہوں

kasni rang ke khwabon se nikal ai hun

mithe pani ke sarabon se nikal ai hun

tu ne jate hue ik bar bhi dekha na use

wo jo kahti thi azabon se nikal ai hun

barguzeda thi tahajjud bhi na chhora karti

aur ab sare hisabon se nikal ai hun

as thi did ki jo kasa liye phirti thi

main jawani ke azabon se nikal ai hun

mere atraf mein sab log bahut achchhe hain

dekh main sare kharabon se nikal ai hun

shab ba shab jag ke parhti hun risale dil ke

ab main bachpan ki kitabon se nikal ai hun

hath mein chauri nahin paon mein pazeb nahin

ishq zadi thi gulabon se nikal ai hun