عیش و غم زندگی کے پھیرے ہیں

عیش و غم زندگی کے پھیرے ہیں

شب کی آغوش میں سویرے ہیں

میکدے سے وفا کی منزل تک

ہم فقیروں کے ہیرے پھیرے ہیں

مجھ کو مت دیکھ یوں حقارت سے

میں نے رخ زندگی کے پھیرے ہیں

ان کی زلفوں کی نرم چھاؤں میں

زندگی کے حسیں سویرے ہیں

میں ہوں معمار‌ زندگی اے کیفؔ

دونوں عالم کے حسن میرے ہیں

aish-o-gham zindagi ke phere hain

shab ki aghosh mein sawere hain

maikade se wafa ki manzil tak

ham faqiron ke hire phere hain

mujh ko mat dekh yun hiqarat se

main ne rukh zindagi ke phere hain

un ki zulfon ki narm chhaon mein

zindagi ke hasin sawere hain

main hun memar-e-zindagi ai kaif

donon alam ke husn mere hain