تباہی کا اپنی نشاں چھوڑ آئے

تباہی کا اپنی نشاں چھوڑ آئے

ورق در ورق داستاں چھوڑ آئے

ہر اک اجنبی سے پتہ پوچھتے ہیں

تجھے زندگی ہم کہاں چھوڑ آئے

وہی لوگ جینے کا فن جانتے ہیں

جو احساس سود و زیاں چھوڑ آئے

نکل آئے تنہا تری رہگزر پر

بھٹکنے کو ہم کارواں چھوڑ آئے

tabahi ka apni nishan chhor ae

waraq dar waraq dastan chhor ae

har ik ajnabi se pata puchhte hain

tujhe zindagi ham kahan chhor ae

wahi log jine ka fan jante hain

jo ehsas sud-o-ziyan chhor ae

nikal ae tanha tiri rahguzar par

bhatakne ko ham karwan chhor ae