ہر قدم پر اک نیا دکھ خیر خواہوں سے ملا

ہر قدم پر اک نیا دکھ خیر خواہوں سے ملا

کب ہمیں کوئی تحفظ ان پناہوں سے ملا

خود نمائی کے سوا کیا کج کلاہوں سے ملا

صرف اک جھوٹا تفاخر تھا جو شاہوں سے ملا

لوگ خالی ہاتھ آئے ہیں جہاں سے لوٹ کر

درد کا تحفہ ہمیں ان بارگاہوں سے ملا

ایک مرکز پر ہوئے یکجا کہاں پست و بلند

کب فقیروں کا ستارہ بادشاہوں سے ملا

زندگی بھر ہم رہے محو سفر لیکن ظفرؔ

منزلوں سے کچھ ہوا حاصل نہ راہوں سے ملا

har qadam par ik naya dukh khair khwahon se mila

kab hamen koi tahaffuz in panahon se mila

khud numai ke siwa kya kaj kulahon se mila

sirf ik jhuta tafakhur tha jo shahon se mila

log khali hath ae hain jahan se laut kar

dard ka tohfa hamen in bargahon se mila

ek markaz par hue yakja kahan past-o-buland

kab faqiron ka sitara badshahon se mila

zindagi bhar ham rahe mahw-e-safar lekin zafar

manzilon se kuchh hua hasil na rahon se mila