مجھے خدشہ ہے اپنی چشم تر سے

مجھے خدشہ ہے اپنی چشم تر سے

کہیں پانی گزر جائے نہ سر سے

جلا دی ہیں ابھی سے میں نے شمعیں

مجھے ہے انتظار شب سحر سے

سفینے واقعی ہوں گر سفینے

تو کب مرعوب ہوتے ہیں بھنور سے

ہوا یوں درمیاں حائل زمانہ

ہم اوجھل ہو گئے اپنی نظر سے

انہیں داد سفر دیتی ہے منزل

جو گھبراتے نہیں طول سفر سے

ترے آگے کوئی کیا لب کشا ہو

دھڑک اٹھتے ہیں دل تیری نظر سے

بہت صحرا کو تھیں جن سے امیدیں

وہ بادل بھی ظفرؔ گلشن پہ برسے

mujhe khadsha hai apni chashm-e-tar se

kahin pani guzar jae na sar se

jala di hain abhi se main ne shamen

mujhe hai intizar-e-shab sahar se

safine waqai hun gar safine

tu kab marub hote hain bhanwar se

hawa yun darmiyan hail zamana

ham ojhal ho gae apni nazar se

unhen dad-e-safar deti hai manzil

jo ghabrate nahin tul-e-safar se

tire age koi kya lab kusha ho

dharak uthte hain dil teri nazar se

bahut sahra ko thin jin se ummiden

wo badal bhi zafar gulshan pe barse