ہم اس کے دھیان میں آئیں گے دھیان میں بھی نہ تھا

ہم اس کے دھیان میں آئیں گے دھیان میں بھی نہ تھا

یقیں کا ذکر تو کیا ہے گمان میں بھی نہ تھا

یہ پست تھی بھی تو کیا وہ بلند تھا بھی تو کیا

زمیں کا حسن مگر آسمان میں بھی نہ تھا

وہ سایہ جس کے لئے دھوپ سے گریز کیا

نشان اس کا کہیں سائبان میں بھی نہ تھا

تھکی تھکی سی چھتیں تھیں شکستہ دیواریں

سلامتی کا تو امکاں مکان میں بھی نہ تھا

پرندے پھر بھی فضا میں تھے پر سمیٹے ہوئے

ظفرؔ مخل کوئی ان کی اڑان میں بھی نہ تھا

ham us ke dhyan mein aenge dhyan mein bhi na tha

yaqin ka zikr to kya hai guman mein bhi na tha

ye past thi bhi to kya wo buland tha bhi to kya

zamin ka husn magar asman mein bhi na tha

wo saya jis ke liye dhup se gurez kiya

nishan us ka kahin saiban mein bhi na tha

thaki thaki si chhaten thin shikasta diwaren

salamti ka to imkan makan mein bhi na tha

parinde phir bhi faza mein the par samete hue

zafar mukhil koi un ki uran mein bhi na tha