کبھی اسے تو کبھی خود کو دیکھتے رہنا

کبھی اسے تو کبھی خود کو دیکھتے رہنا

اسی مدار میں دن رات گھومتے رہنا

ہم اپنا فرض کریں گے ادا بہ ہر صورت

ہمارا کام ہے راہیں تراشتے رہنا

وہ محو ہونا مرا شام سے تری دھن میں

تمام رات تری راہ دیکھتے رہنا

نہ ہونے دینا کبھی پست حوصلوں کی فصیل

کمند چاند ستاروں پہ ڈالتے رہنا

اٹھائے رکھنا اسی اک اصول کا پرچم

برا نہ کرنا بھلا سب کا چاہتے رہنا

نجات تیرہ شبی سے جو چاہتے ہو ظفرؔ

نقوش صبح درخشاں ابھارتے رہنا

kabhi use to kabhi khud ko dekhte rahna

isi madar mein din rat ghumte rahna

ham apna farz karenge ada ba har surat

hamara kam hai rahen tarashte rahna

wo mahw hona mira sham se tiri dhun mein

tamam rat tiri rah dekhte rahna

na hone dena kabhi past hauslon ki fasil

kamand chand sitaron pe dalte rahna

uthae rakhna isi ik usul ka parcham

bura na karna bhala sab ka chahte rahna

najat tira shabi se jo chahte ho zafar

nuqush subh-e-darakhshan ubharte rahna