پھرے ہیں دھن میں تری ہم ادھر ادھر تنہا

پھرے ہیں دھن میں تری ہم ادھر ادھر تنہا

تجھے تلاش کیا ہے نگر نگر تنہا

ہمارے ساتھ سبھی ہیں مگر کوئی بھی نہیں

ہم انجمن میں ہیں بیٹھے ہوئے مگر تنہا

گواہ ہیں رہ شوق و طلب کے سناٹے

کیا ہے ہم نے یہ صبر آزما سفر تنہا

چلے گئے ہیں نجانے کہاں شریک سفر

مجھے حیات کی راہوں میں چھوڑ کر تنہا

بہت دنوں سے نہیں تو رفیق دیدہ و دل

بہت دنوں سے اکیلا ہے دل، نظر تنہا

بھلانے والے کبھی تو نے یہ بھی سوچا ہے

ترے بغیر ہے کب سے ترا ظفرؔ تنہا

phire hain dhun mein tiri ham idhar idhar tanha

tujhe talash kya hai nagar nagar tanha

hamare sath sabhi hain magar koi bhi nahin

ham anjuman mein hain baithe hue magar tanha

gawah hain rah-e-shauq-o-talab ke sannate

kya hai ham ne ye sabr azma safar tanha

chale gae hain nijane kahan sharik-e-safar

mujhe hayat ki rahon mein chhor kar tanha

bahut dinon se nahin to rafiq dida-o-dil

bahut dinon se akela hai dil, nazar tanha

bhulane wale kabhi tu ne ye bhi socha hai

tire baghair hai kab se tira zafar tanha