اک ضرورت میں صرف ہو گئے تھے

اک ضرورت میں صرف ہو گئے تھے

پھر مرے ہاتھ برف ہو گئے تھے

لفظ کی طرح تھے کبھی ہم لوگ

اور پھر حرف حرف ہو گئے تھے

شہر کی ہر گلی کشادہ تھی

لوگ ہی تنگ ظرف ہو گئے تھے

سخت گرمی تھی ان دنوں لیکن

اپنے جذبات برف ہو گئے تھے

جتنے آنسو تھے میری آنکھوں میں

نوجوانی میں صرف ہو گئے تھے

ik zarurat mein sirf ho gae the

phir mire hath barf ho gae the

lafz ki tarah the kabhi ham log

aur phir harf harf ho gae the

shahr ki har gali kushada thi

log hi tang zarf ho gae the

sakht garmi thi in dinon lekin

apne jazbat barf ho gae the

jitne ansu the meri ankhon mein

naujawani mein sirf ho gae the