ہماری روح کس درجہ ہے پیاسی

ہماری روح کس درجہ ہے پیاسی

اچانک گھیر لیتی ہے اداسی

لئے پھرتی ہے ساری رات ہم کو

محبت ہے یا کوئی بد حواسی

وہ جس فرصت میں تجھ کو سوچتے تھے

میسر بھی نہیں ہے اب ذرا سی

تو کیوں راجہ بنے پھرتے ہو بھیا

کہانی میں نہ رانی ہے نہ داسی

یہاں ہر چیز پردے میں ہے ظاہر

کہاں جائے ہماری بے لباسی

تجھے جانا تو یہ جانا ہے ہم نے

تعلق بھی ہے کوئی خود شناسی

hamari ruh kis darja hai pyasi

achanak gher leti hai udasi

liye phirti hai sari rat ham ko

mohabbat hai ya koi bad hawasi

wo jis fursat mein tujh ko sochte the

muyassar bhi nahin hai ab zara si

to kyun raja bane phirte ho bhayya

kahani mein na rani hai na dasi

yahan har chiz parde mein hai zahir

kahan jae hamari be libasi

tujhe jana to ye jana hai ham ne

taalluq bhi hai koi khud shanasi