خواب سا تھا خیال آخر شب

خواب سا تھا خیال آخر شب

رہ گیا اک ملال آخر شب

جام بھر کر وہ آدھی رات کا چاند

ڈالتا ہے دھمال آخر شب

اڑتی پھرتی ہے زلف کی خوشبو

کھولتا ہے وہ بال آخر شب

ایک ہی بات ہے ہمارے لئے

شام غم یا وصال آخر شب

دیکھیے خواب کب مکمل ہو

آج پھر یہ سوال آخر شب

اک ستارے پہ آ گیا ہے عظیمؔ

چاند جیسا جمال آخر شب

khwab sa tha khayal akhir-e-shab

rah gaya ik malal akhir-e-shab

jam bhar kar wo adhi rat ka chand

dalta hai dhamal akhir-e-shab

urti phirti hai zulf ki khushbu

kholta hai wo bal akhir-e-shab

ek hi bat hai hamare liye

sham-e-gham ya wisal akhir-e-shab

dekhiye khwab kab mukammal ho

aj phir ye sawal akhir-e-shab

ik sitare pe a gaya hai azim

chand jaisa jamal akhir-e-shab