وہی اک بات جو آئی گئی ہے

وہی اک بات جو آئی گئی ہے

بہت تکلیف پہنچائی گئی ہے

نظر اب بھی ہے محروم‌ نظارا

مگر تصویر دکھلائی گئی ہے

تو کیا دنیا یہاں پہلے نہیں تھی

تو کیا دنیا یہاں لائی گئی ہے

ہم ایسے شکل ہی پاتے نہ ہوں گے

تبھی تو خاک پہنائی گئی ہے

ضروری تو نہیں وہ بات سچ ہو

ہمیں جو بات پہنچائی گئی ہے

wahi ik bat jo ai gai hai

bahut taklif pahunchai gai hai

nazar ab bhi hai mahrum nazara

magar taswir dikhlai gai hai

to kya duniya yahan pahle nahin thi

to kya duniya yahan lai gai hai

ham aise shakl hi pate na honge

tabhi to khak pahnai gai hai

zaruri to nahin wo bat sach ho

hamen jo bat pahunchai gai hai