خواہشوں کی بادشاہی کچھ نہیں

خواہشوں کی بادشاہی کچھ نہیں

دل میں شوق کج کلاہی کچھ نہیں

کیوں عدالت کو شواہد چاہئیں

کیا یہ زخموں کی گواہی کچھ نہیں

صبح لکھی ہے اگر تقدیر میں

رات کی پھر یہ سیاہی کچھ نہیں

سوچ اپنی ذات تک محدود ہے

ذہن کی کیا یہ تباہی کچھ نہیں

ظرف شامل ہے ہمارے خون میں

یہ تمہاری کم نگاہی کچھ نہیں

ہنس کے ملتا ہے عموماً وہ عظیمؔ

اس طرح جیسے ہوا ہی کچھ نہیں

khwahishon ki badshahi kuchh nahin

dil mein shauq-e-kaj kulahi kuchh nahin

kyun adalat ko shawahid chahiyen

kya ye zakhmon ki gawahi kuchh nahin

subh likhi hai agar taqdir mein

rat ki phir ye siyahi kuchh nahin

soch apni zat tak mahdud hai

zehn ki kya ye tabahi kuchh nahin

zarf shamil hai hamare khun mein

ye tumhari kam nigahi kuchh nahin

hans ke milta hai umuman wo azim

is tarah jaise hua hi kuchh nahin