بڑھ رہا ہوں خیال سے آگے

بڑھ رہا ہوں خیال سے آگے

کچھ نہیں ماہ و سال سے آگے

بس حقیقت ہے جو نظر آیا

ہے فسانہ جمال سے آگے

میں ترے ہجر میں جو زندہ ہوں

سوچتا ہوں وصال سے آگے

اس قدر با کمال ہیں یہ لوگ

کچھ کریں گے کمال سے آگے

شوق صدمے سے ہو گیا دو چار

بڑھ نہ پایا دھمال سے آگے

یہ جو ماضی کی بات کرتے ہیں

سوچتے ہوں گے حال سے آگے

barh raha hun khayal se age

kuchh nahin mah-o-sal se age

bas haqiqat hai jo nazar aya

hai fasana jamal se age

main tire hijr mein jo zinda hun

sochta hun wisal se age

is qadar ba kamal hain ye log

kuchh karenge kamal se age

shauq sadme se ho gaya do char

barh na paya dhamal se age

ye jo mazi ki bat karte hain

sochte honge hal se age