موسم گل بہار کے دن تھے

موسم گل بہار کے دن تھے

جو ترے میرے پیار کے دن تھے

جو ترے انتظار میں گزرے

بس وہی انتظار کے دن تھے

جو بہت بے قرار رکھتے تھے

ہاں وہی تو قرار کے دن تھے

جن دنوں دل پہ اختیار نہ تھا

کیا وہی اختیار کے دن تھے

تھے مقید تری محبت میں

زندگی سے فرار کے دن تھے

mausam-e-gul bahar ke din the

jo tire mere pyar ke din the

jo tire intizar mein guzre

bas wahi intizar ke din the

jo bahut be qarar rakhte the

han wahi to qarar ke din the

jin dinon dil pe ikhtiyar na tha

kya wahi ikhtiyar ke din the

the muqayyad tiri mohabbat mein

zindagi se farar ke din the