خوش فہمیٔ ہنر نے سنبھلنے نہیں دیا

خوش فہمیٔ ہنر نے سنبھلنے نہیں دیا

مجھ کو مری انا ہی نے پھلنے نہیں دیا

چاہا نئے سے ریتی رواجوں میں میں ڈھلوں

لیکن روایتوں نے ہی ڈھلنے نہیں دیا

ایک ایک شے بدلتی گئی میرے آس پاس

حالات نے مجھے ہی بدلنے نہیں دیا

چلنا تھا ساتھ ساتھ ہمیں عمر بھر مگر

ناپائیدار عمر نے چلنے نہیں دیا

دل مے کدے کی سمت چلا تھا مگر اسے

اس راستے پہ عقل نے چلنے نہیں دیا

انجام آرزو کا برا ہے بس اس لئے

دل میں کبھی چراغ یہ جلنے نہیں دیا

درویشؔ بے قرار رہا دل تمام عمر

موقع سکوں کا ایک بھی پل نے نہیں دیا

khush fahmi-e-hunar ne sambhalne nahin diya

mujh ko miri ana hi ne phalne nahin diya

chaha nae se reti riwajon mein main dhalun

lekin riwayaton ne hi dhalne nahin diya

ek ek shai badalti gai mere as pas

halat ne mujhe hi badalne nahin diya

chalna tha sath sath hamen umr bhar magar

napaidar umr ne chalne nahin diya

dil mai kade ki samt chala tha magar use

is raste pe aql ne chalne nahin diya

anjam arzu ka bura hai bas is liye

dil mein kabhi charagh ye jalne nahin diya

darwesh-e-be qarar raha dil tamam umr

mauqaa sukun ka ek bhi pal ne nahin diya