ایک سخن کو بھول کر ایک کلام تھا ضرور

ایک سخن کو بھول کر ایک کلام تھا ضرور

میرا تو ذکر ہی نہ تھا پر ترا نام تھا ضرور

کانپ رہے تھے میرے ہاتھ چیخ رہے تھے بام و در

زہر اگر نہیں تھا وہ آخری جام تھا ضرور

یونہی نہیں تمام عمر سجدے میں ہی گزر گئی

عشق کی اس نماز کا کوئی امام تھا ضرور

یاد ابھی نہیں ہمیں ذہن پہ زور دے چکے

تم ہی سے ملنے آئے تھے تم سے ہی کام تھا ضرور

تم نے جب اس کی بات کی تم پہ بھی پیار آ گیا

چوما نہیں تمہیں میاں گرچہ مقام تھا ضرور

آپ مجھے بھلا چکے یاد تو کیجئے جناب

میری بھی اک شناخت تھی میرا بھی نام تھا ضرور

ek sukhan ko bhul kar ek kalam tha zarur

mera to zikr hi na tha par tira nam tha zarur

kanp rahe the mere hath chikh rahe the bam-o-dar

zahr agar nahin tha wo akhiri jam tha zarur

yunhi nahin tamam umr sajde mein hi guzar gai

ishq ki is namaz ka koi imam tha zarur

yad abhi nahin hamen zehn pe zor de chuke

tum hi se milne ae the tum se hi kam tha zarur

tum ne jab us ki bat ki tum pe bhi pyar a gaya

chuma nahin tumhen miyan garche maqam tha zarur

ap mujhe bhula chuke yad to kijiye janab

meri bhi ik shanakht thi mera bhi nam tha zarur