دل مبتلائے ہجر رفاقت میں رہ گیا

دل مبتلائے ہجر رفاقت میں رہ گیا

لگتا ہے کوئی فرق محبت میں رہ گیا

اس گھر کے دو مکین تھے اک پیڑ اور میں

یہ ہجر تو کسی کی شرارت میں رہ گیا

اک بار منع کرتی ہوئی شام سے تو پوچھ

جو بھی جدا ہوا وہ حقیقت میں رہ گیا

ممکن تھا تجھ کو چھین ہی لیتا جہان سے

لیکن میں کیا کروں میں محبت میں رہ گیا

اب تو ہی میری خالی ہتھیلی کی لاج رکھ

مجھ سے تو کوئی فرق عبادت میں رہ گیا

تجھ پر ہے کوئی زعم نہ خود پر یقیں ندیمؔ

کچھ دن کا ہم میں پیار تو عادت میں رہ گیا

dil mubtala-e-hijr rifaqat mein rah gaya

lagta hai koi farq-e-mohabbat mein rah gaya

is ghar ke do makin the ik per aur main

ye hijr to kisi ki shararat mein rah gaya

ik bar mana karti hui sham se to puchh

jo bhi juda hua wo haqiqat mein rah gaya

mumkin tha tujh ko chhin hi leta jahan se

lekin main kya karun main mohabbat mein rah gaya

ab tu hi meri khali hatheli ki laj rakh

mujh se to koi farq ibadat mein rah gaya

tujh par hai koi zaam na khud par yaqin nadim

kuchh din ka ham mein pyar to adat mein rah gaya