ہجر ہوں پورا ہجر ہوں عشق وصال کرے

ہجر ہوں پورا ہجر ہوں عشق وصال کرے

دل کی دھڑکن تال ہو جسم دھمال کرے

دیکھوں اس کی چاندنی چاند سے بھی شفاف

اور سنہری روشنی اپنا جمال کرے

گندم جیسے رنگ پر کالی چادر تان

گیتوں جیسی زندگی بے سر تال کرے

منظر سے جو دور ہیں ان پر کرے نگاہ

دھیان سے پہلے دیکھنا وہی کمال کرے

اس کا اک پل دیکھنا، اس پر درود سلام

ہجر بھری جو زندگی عین وصال کرے

اپنا مجھ کو روپ دے، اپنا عاشق ہو

جو بھی اس کا حال ہے میرا حال کرے

سارے سوال آسان ہیں مشکل ایک جواب

ہم بھی ایک جواب ہیں کوئی سوال کرے

hijr hun pura hijr hun ishq wisal kare

dil ki dharkan tal ho jism dhamal kare

dekhun us ki chandni chand se bhi shaffaf

aur sunahri raushni apna jamal kare

gandum jaise rang par kali chadar tan

giton jaisi zindagi be sar tal kare

manzar se jo dur hain un par kare nigah

dhyan se pahle dekhna wahi kamal kare

us ka ik pal dekhna, us par durud salam

hijr bhari jo zindagi ain-e-wisal kare

apna mujh ko rup de, apna ashiq ho

jo bhi us ka hal hai mera hal kare

sare sawal asan hain mushkil ek jawab

ham bhi ek jawab hain koi sawal kare