حالت حال میں آداب نہیں بھولتا میں

حالت حال میں آداب نہیں بھولتا میں

خود کو بھولوں بھی تو احباب نہیں بھولتا میں

میں ابھی عشق نہیں حالت ایمان میں ہوں

جنگ کرتے ہوئے اسباب نہیں بھولتا میں

جذب کرتی ہوئی خلقت سے محبت ہے مجھے

چاند کو چھوڑیئے تالاب نہیں بھولتا میں

اے مجھے خواب دکھاتے ہوئے لوگو سن لو

میرا دکھ یہ ہے کوئی خواب نہیں بھولتا میں

پارسائی نہیں تنہائی میسر تھی وہاں

سو ترے منبر و محراب نہیں بھولتا میں

halat-e-hal mein adab nahin bhulta main

khud ko bhulun bhi to ahbab nahin bhulta main

main abhi ishq nahin halat-e-iman mein hun

jang karte hue asbab nahin bhulta main

jazb karti hui khilqat se mohabbat hai mujhe

chand ko chhoriye talab nahin bhulta main

ai mujhe khwab dikhate hue logo sun lo

mera dukh ye hai koi khwab nahin bhulta main

parsai nahin tanhai muyassar thi wahan

so tire mimbar-o-mehrab nahin bhulta main