رابطہ مجھ سے مرا جوڑ دیا کرتا تھا

رابطہ مجھ سے مرا جوڑ دیا کرتا تھا

وہ جو اک شخص مجھے چھوڑ دیا کرتا تھا

مجھے دریا، کبھی صحرا کے حوالے کر کے

وہ کہانی کو نیا موڑ دیا کرتا تھا

اس سے آگے تو محبت سے گلہ ہے مجھ کو

تو تو بس ہات مرا چھوڑ دیا کرتا تھا

بات پیڑوں کی نہیں، غم ہے پرندوں کا ندیمؔ

گھونسلے جن کے کوئی توڑ دیا کرتا تھا

rabta mujh se mira jor diya karta tha

wo jo ik shakhs mujhe chhor diya karta tha

mujhe dariya, kabhi sahra ke hawale kar ke

wo kahani ko naya mor diya karta tha

is se age to mohabbat se gila hai mujh ko

tu to bas hat mira chhor diya karta tha

bat peron ki nahin, gham hai parindon ka nadim

ghonsle jin ke koi tor diya karta tha