سفر کی دھول کو چہرے سے صاف کرتا رہا

سفر کی دھول کو چہرے سے صاف کرتا رہا

میں اس گلی کا مسلسل طواف کرتا رہا

یہ میری آنکھ کی مسجد ہے پاؤں دھیان سے رکھ

کہ اس میں خواب کوئی اعتکاف کرتا رہا

میں خود سے پیش بھی آیا تو انتہا کر دی

مجھ ایسے شخص کو بھی وہ معاف کرتا رہا

اور اب کھلا کہ وہ کعبہ نہیں ترا گھر تھا

تمام عمر میں جس کا طواف کرتا رہا

میں لو میں لو ہوں الاؤ میں ہوں الاؤ ندیمؔ

سو ہر چراغ مرا اعتراف کرتا رہا

safar ki dhul ko chehre se saf karta raha

main us gali ka musalsal tawaf karta raha

ye meri ankh ki masjid hai paon dhyan se rakh

ke is mein khwab koi etikaf karta raha

main khud se pesh bhi aya to intiha kar di

mujh aise shakhs ko bhi wo muaf karta raha

aur ab khula ke wo kaaba nahin tira ghar tha

tamam umr mein jis ka tawaf karta raha

main lo mein lo hun alao mein hun alao nadim

so har charagh mira etiraf karta raha